吳若希自爆同胡鴻鈞許廷鏗擘面

藝人吳若希（Jinny）與師妹戴祖儀出席電訊商發布會，面對在場逾30人，Jinny表示出席前問清楚，獲悉場地性質撇除了4人以上聚會限制才安心出席，還大讚大會做足安全措施。戴祖兒則表示若身邊人的衞生狀況良好，也不用刻意保持距離。

談到有指胡鴻鈞因搭上蔡思貝，跟「同性密友」許廷鏗不和，即使飯敍亦不會同場，身為好友的Jinny對此表示不知情：「佢兩個同我擘面就真，不嬲打麻雀唔預我！（會了解？）不嬲佢哋都冇乜事，但我唔知佢哋私下點相處。（做和事老？）要睇佢哋咩事分開先，作為朋友，若果佢搵到幸福都戥佢開心，始終唔知真假，又求證唔到，估冇意思，等當時人自己講啦！」