張曦雯爆原本扮小丑　《法證IV》新伏線？

演員黃浩然與張曦雯出席劇集《法證先鋒IV》活動，講到劇集大收，兩人對成績感高興。大結局留下伏線，張曦雯原來是終極Big boss，會向小丑大開殺戒，她說：「我自己都估唔到，小青姐（總監製梅小青）之前都冇透露過，希望會開第五輯。幾個月前小青姐加我入劇，初頭有構思過叫我化小丑妝，拍我落妝嘅畫面，但係最尾都冇拍，所以都唔知係咪會有第五輯。」張曦雯指劇集出街後多了不少小朋友粉絲，連林盛斌的三個女兒與她視像電話指追劇追得很緊張。

黃浩然笑言是否開第五輯，兩個兒子比他更清楚，他笑說：「我諗小青姐都冇我兩個仔咁清楚，佢兩個第一次睇劇，睇完大結局話肯定有第五輯，當然話想我繼續拍啦。」他又指最近除了宣傳也多留在家中陪伴家人，覺得是額外的獎勵，他說：「我阿媽睇到大結局收視咁好，都發短訊恭喜我，睇到我都有啲眼濕濕。」