美國缺口罩手套　王梓軒超市掃食物留家抗疫

美國新冠肺炎疫情嚴重，身在美國洛杉磯的王梓軒，因公事在身，未能趕及返港，惟有事事謹慎，做足防禦措施。日前，戴上口罩及眼鏡的梓軒，步行廿分鐘到附近一間日本人開的超級市場，沿途街上都很冷清，大部分人都有戴上口罩防疫，梓軒話：「呢間超市設有人流管制，任何時間都只得12個顧客入去，而每朝8點半至9點就只准長者入舖頭，我覺得呢個措施幾好，減小大家患病風險。幸好呢間超市貨源充足，而且有限制購買，好多超市都被搶購，無晒貨了！」

梓軒衷心希望大家唔好盲搶物資，梓軒話：「有幾種物資依家嚴重缺貨，尤其口罩同手套，我之前喺網上睇到新聞，話有醫護冇口罩改用圍巾，醫護人員真係好缺乏醫療用品，有啲醫生為咗慳住用口罩，不眠不休唔食嘢唔飲嘢去工作十個鐘，如果大家有能力嘅話，多咗嘅口罩可以捐畀醫護人員用，自己減小出門，我哋要自律，齊心去抗疫。」