屋企大到可以打乒乓球 JW同男友爆汗操波
20200402
東網電視
更多新聞短片
JW同男友在豪宅內爆汗操波，網友大讚「屋企大到可以打乒乓球」。
疫情肆虐，大家盡量留喺屋企「避炎」，每日都諗唔同方法解悶，歌手JW（王灝兒）努力做運動，就算疫情都阻唔到佢嘅決心，仲自創咗一個新運動！
呢日佢喺社交平台上載咗一條短片，見到佢着住黑色sports bra，似乎係同男友一齊打乒乓波，但特別在，佢打完一下就即刻踎低，然後再彈番起身開波，彈跳彈跳好活潑，而且玩得好開心添！
原來呢個係佢自創嘅運動，叫做「hit & squat Ping Pong」，仲話大家做完一定會爆汗，又大呻自己好攰！粉絲留言讚佢好醒，亦有人突破盲點，留言「屋企大到可以打乒乓球」！