洗手洗到損　馬國明避疫：波都冇踢喇

視帝馬國明近日忙於拍攝新劇《BB大晒》，對於新冠肺炎肆虐，他表示不能擔心太多，仍舊會繼續開工，但台前幕後都會做足功夫：「依家大家食飯都係分開坐，每日入廠都不斷洗手，我自己都洗手洗到損，可能太乾。」

對於藝員李君妍胞姐確診新冠肺炎，馬國明表示之前曾與君妍合作，但近期沒有見到對方：「希望佢同家人都冇事！大家都身體健康。（驚電視城困獸鬥？）都唔止電視城嘅，每個地方都有機會，當然大家都戒備狀態，再睇下公司有冇咩指示。」他表示現在除了開工之外都會留在家裏：「波都冇踢喇！街又冇去！」