合作過旅遊節目　金剛嬲沈殷怡收埋好身材

藝人金剛之前帶領沈殷怡（Shirley）齊齊拍攝ViuTV節目《金剛旅神團》，當時她都有摟毛巾拍浸溫泉場面，但就比起這次她與陳欣妍齊齊着泳衣行山差得遠。金剛接受東網訪問時坦言：「Shirley咁犀利㗎咩？之前我哋拍節目嗰陣真係感受唔到，收得咁埋嘅？我其實都有啲嬲，點解唔搵我做節目嘉賓，如果《金剛旅神團》再開嘅話，Shirley唔咁樣着，我哋就唔畀佢拍。」

問到身為男人的他看片段時會否看得很開心時，他謂：「老實講，身為男人睇到係開心，有咩問題呀！其實大家又可以換另外一個角度去睇嘅，條片裏面都有寫啦！係『激盪的青春』啫！」