守望相助共度難關　黃婉曼疫市吸納人才

藝人黃婉曼（Icy）接受香港開電視主播馬梓軒訪問，她表示於新冠肺炎疫情下，去年於將軍澳開設的烘焙餐廳經營困難。問會否算得上是開業以來最難捱的一關？她說：「唔止！絕對係人生中最難捱嘅一關，因為涉及人生安全！好多人經歷過沙士，但相比下今次嘅病毒更加無形，所以呢樣都令自己緊張！」

雖然生意慘淡，但Icy無懼疫情，逆市下繼續招聘人才：「我有請新員工，因為我覺得呢個時候，正正有啲人才喺市場上！雖然依家比較艱難，但如果我可以搵到一啲人才，大家一齊捱過呢一關，條路會行得更加長遠！」

現時育有兩名年幼女兒的Icy，坦言在疫情下，每次外出後回到家，都會令她提心吊膽：「我好擔心帶咗啲病菌入屋，所以屋企有一個角落係專門擺放各樣消毒用品，另外仲有空氣清新機、消毒噴霧機！同埋慶幸兩個小朋友仲細，未知出街係咩概念，呢排留喺屋企都唔覺悶，我都買多咗玩具畀佢地玩，會陪多啲佢哋！」