黃佩霞網上地獄式教瑜伽　學員都覺得佢惡

新冠肺炎疫情嚴重，娛樂場所包括瑜伽中心都需要暫時關閉，名模兼瑜伽導師黃佩霞便將瑜伽班轉為網上教學，實行「停學不停課」，她現雙管齊下，用兩種網絡方法教班：「一個係公司個平台做live，係單向嘅，我見唔到學生，另外一個雙向，用會議app直播教，成班一齊做，我可以隨時改正佢哋動作。我平時上堂會金晴火眼?住佢哋㗎嘛！佢哋好好笑，話透過電腦我都一樣?到實一實，偷唔到懶，覺得個感覺同平時一樣，好似我喺現場?住佢哋咁，（你夠惡嘛？）我都幾惡㗎，少少啦，認真啲，唔想佢哋求其做，亂咁做錯咗，整親就唔好啦！」

她指疫情下網上教班是選擇之一，當然她覺得面對面教是最理想，她說：「我哋啲學生好掛住做瑜伽，話留喺屋企無得郁好唔舒服，依家咁狀況已經好好，我哋啲老師都盡力配合，做直播有番少少運動機會，唔使自己一個人做咁悶，有人帶住係開心啲。」