丁可欣自認好廢：開心冇所謂

歌手丁可欣（火雞姐）早前與從《全民造星II》衍生出來的組合「邊疆兄弟」合作出歌，其男友王顯聰（阿聰）也是組合成員之一，她說：「邊疆同我係好夾，因為大家都係跳舞嘅人，又鍾意Hip Hop，呢首歌叫《廢》，想表達其實每個人喺社會都有好多壓力，壓力令自己一定要好正面、好上進，每日都要好畀心機做好多嘢先叫做啱，如果唔係就畀人話懶，其實經歷挫折時，真係好想懶吓，乜都唔想做，Hea吓，放鬆自己，畀自己輕鬆吓係好正常。」

雖然想表達Hea，但他們的MV並不Hea，專程租用粉嶺的廠房拍攝，且出動靚車，她說：「想MV質素提高，無論外景及道具，落多少少成本，後期加工都唔錯，做到低成本高製作，希望大家支持本地音樂。」她自嘲自己無公司，講甚麼也無人理：「自己好廢，廿幾歲女，同首歌一樣，一個廢字，我丁可欣就係廢，廢得嚟自己開心有乜所謂？」