陳凱琳創業自責忽略家庭　趁機晒愛情金句冧老公

已為人母的藝人陳凱琳（Grace）早前推出自家化妝棉品牌，為咗盤生意佢全情投入，花唔少時間研究原材料之餘，仲自己做白老鼠親身試用先敢推出，因為咁佢就自覺忽略咗家庭，而最近都真係見多咗鄭嘉穎化身湊仔公，孭住仔仔出巡！

Grace都為此深感內疚，佢發文多謝老公鄭嘉穎冇責怪佢之餘仲非常支持佢創業，Grace留言話：「喺創立自己品牌的時候，總要花小小時間和心思，當中小不免會忽略了照顧家庭，心裏有些內疚！在整個過程當中，我的家人和丈夫都沒有怪責我，反而得到他們的理解和支持，還幫助我去照顧家裏日常的大小事情，令我完全安心地去準備我第一次的品牌活動！」

Grace更趁機向老公示愛，甜蜜咁講出愛的金句：「愛就是另一個人的快樂比你自己的還重要。Love is when the other person's happiness is more important than your own.（H. Jackson Brown，Jr.） 」