李施嬅最後一日！劉晨芝「放疫監」又再擔心

藝人劉晨芝早前由美國返港後進行14日家居隔離，昨日期滿放疫監，她即時換上運動裝到戶外行山及拉筋，又趁冇人時除罩呼吸新鮮空氣。她坦言十分開心，但之後亦留家盡量避免外出，可能會邀相熟的朋友到家中聚會。

雖然剛「重見天日」，但她自言不久後又要再坐疫監：「之前接咗荷里活導演馬田史高西斯嘅戲，5月中拍攝，到時前後又要隔離一個月，加上我全家喺洛杉磯，拍完戲會去探家人，婆婆之前跌傷，依家喺醫院，但非常時期醫院唔畀探病，所以好擔心，希望疫情早日受控。」

至於之前由加拿大返港的李施嬅明日隔離期滿，今日她在社交網發文談「最後一日」的感受：「每天都有朋友慰問和送食物到我門口，還有粉絲每天的post和留言和陪我唱#二次緣。帶給我娛樂，讓我感覺到人間溫暖和愛。」她又表示明天起除了工作、跑步和買日用品外，會繼續留在家中。