小S 14歲大女厭世臉紅爆　原來係學佢！

台灣綜藝天后徐熙娣（小S）大女兒許曦文（Elly），舊年粉墨登場為時尚雜誌影咗輯靚封面相，單眼皮Cool到爆嘅「高級厭世臉」竟然帶挈佢紅透台灣，個個都眼前一亮大嗌有型，唔少人仲盛讚佢Chok過阿媽，成為台灣最受歡迎星二代。

有時星味嘅嘢真係天生，Elly幫服飾品牌拍攝宣傳照，最近花絮照曝光，正當大家都望實Elly點Chok點揈時，就見到小S一直從旁專業技術指導，親自擺甫士畀Elly跟住做，竟然素顏加黑衫上陣嘅阿媽效果更好，讓網友超驚艷！小S又不時溫柔鼓勵道：「這樣OK，很可愛！」並幫女兒調整姿勢，有網友大讚兩母女似足孖公仔，亦有人突破盲點笑言「女兒要搶媽媽飯碗了！」