浴袍團零睇頭!何綺雲激凸Big爆《愛回家》

20200407
東網電視
更多新聞短片
「人妻浴袍團」好明顯輸晒呀!
無綫處境劇《愛.回家之開心速遞》昨晚講述Rebecca(沈可欣 飾)與鐵面陳(王致狄 飾)籌備結婚,更請來一班好姊妹湯盈盈、呂慧儀、姚瑩瑩幫手,當中一場她們陪同沈可欣齊齊去美容院做啪骨減肥的戲份,雖然四位現實中的「人妻」都着上白色浴袍示人,期間仲瞓低晒喺床上,不過真的「零遐想」,幸而眾女被啪骨的表情相當誇張和搞笑。
不過幸好有Ma姐(何綺雲飾),穿起貼身運動衫的她雖然全密實,不過身材呼之欲出,相當吸晴,上圍Big爆相當誇張,相信觀眾都睇到眼凸凸。
其實何綺雲加入無綫已多年,亦是監製王心慰的愛將,不說不知,原來她已46歲,擁有170cm的她,更是模特兒出身,曾經亦為電影《花樣年華》中的周太太(本為孫佳君飾演)作替身,亦曾為張曼玉作燈光替身呢!以前,何綺雲多數都是做秘書、妓女角色,不過愈演愈多元化,更曾於《是咁的,法官閣下》中「升呢」飾演律師呢!