尊尼作供片曝光　驚爆被前妻削去手指頭經過

荷里活男神尊尼特普(Johnny Depp)於2016年曾與當時老婆安芭赫德（Amber Heard）被爆爭執時尊尼醉酒怒掟玻璃樽，最終令他的一隻手指頭被割去。後來安芭指控尊尼家暴，尊尼即轉口風指控手指頭其實係被安芭掟酒樽時割斷。而近日有傳媒就公開尊尼於2018年就控告其前律師誹謗一案作供時的錄影片段。

片段中尊尼指當初是想維護安芭而說謊，他說：「我當時講話我手指被夾喺屋企巨大嘅手風琴閘門中，根本唔係咁樣，係佢掟嘢時整親，佢向我掟一個伏特加樽，而我隻手指就係咁放喺吧枱嘅大理石上。第一個樽掟唔中掟過我耳邊，而第二個樽係更大嘅樽，佢喺呢個距離掟過嚟，掟中個吧枱，而呢隻手指我依家叫佢為小李察，手指頭被削去，而呢度所有骨都完全碎晒。就好似個維蘇威火山（Vesuvius）咁凹陷，之後手指頭更兩度受惡菌感染，所以非常難搞。你知道嘛，我只係想縫好隻手指，然後解決我娶嘅嗰個女人將我隻手指切斷嘅嗰種瘋狂。」