【前香港藝人】蔣雅文嘆被光環拖累大壓力

20200410
東網電視
更多新聞短片
又唔使咁大壓力…
「疫」境當前,各行各業受到影響,當中飲食業首當其衝,連帶喺台灣開設咖啡店嘅藝人蔣雅文(Mandy)生意亦慘遭打擊,之前佢已經透露咖啡店嘅生意大跌,但樂觀嘅佢,當時積極尋求出路,指研究做埋外賣生意或借錢,希望可以捱過去。
生意難做,令Mandy百上加斤,佢喺社交網透露連帶「前香港藝人」呢個光環,令業主以為佢好有錢,所以減租一事絕對冇佢份:「我沒有長輩緣=沒有房東緣,接二連三的大破財,雖然是沒義務要幫忙啦,但被多踩了一腳心裏還是會悶。每個房東打聽過都以為來自香港的都很有錢,藝人開店只是做興趣,於是減租不會有我的份,約滿還會再漲。畢竟她是名人喔,一定付得起的,姐心裏累,家裏的家用都快拿不出來了。」受盡壓力嘅Mandy,自爆原本戒食咗兩個月安眠藥,但如今都要食番:「吞下已戒掉兩個月的安眠藥,想好好的睡一覺,起床再拚。」