美麗背後！江若琳行山晒靚相鬧爆老公

藝人江若琳（Elanne）趁着好天氣，同老公蕭唯展（Oscar）去效遊行山，呼吸新鮮空氣。疫情下難得與大自然接觸，見到美麗嘅風景，梗係要影相留念吓啦！Elanne喺社交網上載咗兩張單人相，留言話：「呢兩日終於有陽光啦，心中有陽光那裡（裏）都有陽光呢個道理我明，但之前真係落得太多日雨，麻醉唔到自己咁多日，今日見到陽光心情大好！幻想自己係布吉既（嘅）日子，好掛住陽光與海灘。」

見她被拍下嘅相片效果唔錯，但原來背後佢落咗唔少功夫，仲對老公嘅攝影技術嚟個大控訴，佢話：「當你個先生影相技術差到一個點，呢個唔知係咩構圖同角度，裁到我想死，影100張都係又歪又斜。」