同哥哥感情轉淡！林凱恩兼顧兩劇唔覺辛苦

藝人何廣沛與林凱恩在無綫新劇《食腦喪B》飾演兄妹，日前於傢俬店拍攝。凱恩的造型比平日更年輕、青春，她透露現實中有一個與廣沛同齡的哥哥，童年時哥哥非常疼錫她，但自從對方結婚後便感情轉淡。雖然此劇將延遲一個月才煞科，凱恩又要兼顧《愛．回家之開心速遞》的拍攝，不過她坦言不辛苦，後生女果然捱得。

何廣沛亦不覺得有甚麼影響，他說：「依家多啲時間準備足啲，之後都未有劇開住，又唔可以飛，惟有留喺屋企。啱啱上網睇緊啲健身器材，諗住放喺屋企，因為健身室都要停14日，要做運動就留喺屋企做。」