孫慧雪連環床戰黃子恆 老公睇到眼都凸

20200410
東網電視
更多新聞短片
又真係唔怪得老公…
藝人孫慧雪在無綫熱播劇《機場特警》中,與黃子恆扮演夫妻。宣傳片中二人不乏火辣演出,阿雪表示拍攝前二人有研究劇本,為工作不覺得尷尬:「嗰時我啱啱生完BB,所以埋位都覺得有啲緊張,表現生硬,子恆就不斷鼓勵我。(老公冇打爛醋埕?)佢知係做嘢,不過有日佢打開電視,突然跳出宣傳短片,我連自己都認唔出,老公竟然發現嗰個係我,佢停咗停就話:『原來真係好震撼!』」
被老公追咗4年
由於劇情交代阿雪與子恆的感情源於一夜情,有孕而成婚,故床戲「陸續有來」,大懵的阿雪笑說:「我都唔記得拍咗幾多場,係公司宣傳部同事講起,我先有番印象。(現實接唔接受到咁嘅關係?)我比較保守,老公追咗我4年,我成日覺得人哋鍾意我啲乜呀!」原來她與老公邂逅於派對,當時覺得對方曳,未有想過進一步發展,但對方即有所暗示及向身邊人表態,經過相處最終被他誠意打動。
「佢驚我畀人呃」
如今與丈夫恩愛,阿雪卻自爆彼此經常有拗撬:「工作上佢畀好多意見我,例如接Job要問得詳細啲,佢驚我畀人呃,有時連我食乜都要理,我嫌佢乜都管,成個管家婆咁,我咁大個人,會有分數嘛。」正所謂「床頭打交床尾和」,她亦明白老公心意,所以只算耍花槍。
唔做呷醋家婆
劇中阿雪對「奶奶」楊玉梅誠惶誠恐,但現實生活中她與奶奶卻如「姊妹」般:「佢同我都好鍾意食嘢,性格比較細路女,即使有衝突我咪道歉囉,好快冇事。其實我生囝囝後都不停同自己心理輔導,驚佢第二時有女友,我地位就下降。我個仔好早熟,已經有佢心目中嘅女神,會出動所有玩具去氹坐喺隔籬位嘅女同學,真係畀佢笑死!」