有求必應！畢彼特扮抗疫英雄寸爆特朗普

美國國家衞生研究院過敏症及傳染病研究所主任福奇（Anthony Fauci）近期因為新冠肺炎疫情而頻頻曝光，而早前福奇受訪時被主播Alisyn Camerota問他好有可能被綜藝節目《周末直播》（Saturday Night Live）惡搞，他當時回應：「我唔知呢，希望唔好啦！」而主播提議賓史迪拿（Ben Stiller）與畢彼特（Brad Pitt）可以扮演他，福奇即時回應：「咁緊係畢彼特...」話口未完，《周》昨日即邀請畢佬在節目開場時戴上假髮扮福奇發言搞笑！

畢佬回應美國總統特朗普（Donald Trump）日前玩語言「偽」術誤導民眾指他們「相對地快」就研製好疫苗。畢佬說：「相對於地球的整個歷史？當然，疫苗將很快成為現實。但是，如果你要告訴朋友：『我相對地快就會過嚟』，然後一年半之後才出現，那麼，你的朋友可能會相對地生氣。」之後又指：「啱呀，我就快被炒，但之前，我會為任何會聽我講嘅人講出事實。有人會講，只要每個人都接受食『洗衣膠囊挑戰』（Tide Pod Challenge），病毒就會好。我要話嘅係唔好咁做。」最後畢佬除下假髮並多謝福奇在這令人不安的時期裡保持冷靜和清晰，並多謝醫護人員、前線人員與其家人。