神還原楊丞琳vlog！林柏昇玩完抄襲屈請食飯

台灣女星楊丞琳呢位可愛教主，經常拍vlog同網友分享生活點滴，就算疫情下都能同粉絲拉近距離。而最近開設個人頻道嘅台灣男星林柏昇（KID）為打響頭炮，第一條影片以copy cat姿態模仿楊丞琳嘅vlog，無論動作、對白，甚至每個鏡頭剪接嘅秒數都跟到足，難度仲高過自己拍一條片！

短片長達12分鐘，由起身、食飯、做運動、洗面、敷面膜等日常通通記錄當中，KID除咗惡搞可愛教主，佢仲加入自己減肥真實近況，例如進行168間歇性斷食，仲話如果3個月後成功減至65KG，楊丞琳要請食大餐，認真搞笑。佢仲預告將會分享更多潛水、玩SUP等運動，達到20萬訂閱人數會挑戰更瘋狂嘅企劃。

唔少網友讚KID搞笑又用心，連楊丞琳本人都忍唔住大讚：「大家可以來比對一下，就知道他有多用心，我非常喜歡這個邋遢情色版的《我平凡的一天》！」仲連發三個post為對方宣傳。