任達華操刀　為琦琦愛女溫馨留倩影

熱愛攝影的藝人任達華，早前與兩位「高美人」老婆琦琦和女兒任晴佳（Ella）到澳洲度假，並在當地親自操刀，為母女拍攝一輯溫馨照，可算是最佳的母親節禮物。在任達華的視角下，琦琦和任晴佳手拖着手，攬着腰行沙灘，甜蜜又溫馨，唯他本人卻沒有出鏡，琦琦笑說：「華哥第一次做背後男人，幕後掌鏡。」

琦琦又表示當時澳洲天氣很冷又大風，途人都穿羽絨，拍攝花了一天，她說：「Ella同華哥都畀風吹到凍親，之後飲薑水，不過好值得。Ella不嬲唔鍾意影相，今次當係母親節一個好好紀念，又為Ella紀錄青春嘅紀念，嗰時放假，如果返學就影唔到，我好鍾意輯相，好特別，華哥一向鍾意影景，影我哋佢好開心，話以後畀Ella睇番，嗰種開心係換唔番，感覺我哋一齊陪住佢成長。」

Ella只簡單塗了唇膏和睫毛液，連粉底都冇用，認真天生麗質。現年15歲的她身高1米75，直逼1米8的琦琦，琦琦笑言自己15歲時只有1米74，女兒比她當時還要高。