抗疫危中有機 周佩婷拍運動片轉型KOL

2020年05月15日 05:30
東網電視
更多新聞短片
匿喺屋企搞到肥咗~
向來熱愛健身的無綫娛樂台新聞主播周佩婷,近日與好友《東張西望》主持黃愷怡拍片分享BFF Workout(健身運動),實行「試水溫」望踩過界做KOL!她又自爆在疫情爆發初期的兩個星期內,已因少做運動而重了5磅,故決心要減磅,更望透過片段鼓勵大家齊齊動起來!
政府早前推出多項防疫措施,包括關閉健身室、美容院等場所,直至近日才局部解封,關閉期間令向來每星期到健身室的周佩婷(Angel)無所適從,更自爆因長時間留在家中不停吃喝,在兩個星期內竟明顯發胖:「除咗工作要出街,其餘時間都盡量留喺屋企,唔覺唔覺食多咗嘢,到磅重就發現重咗5磅,唔單止之前啲裙唔啱着,連上鏡都覺得多肉咗,所以就開始戒澱粉質同飲蔬菜湯,感覺既健康又飽肚。」
發放正能量
Angel還透露除了體重增加外,心情亦因疫情關係而變得低落,故與黃愷怡(Jasmin)決定一起拍運動片發放正能量:「可能有啲朋友同我一樣覺得成日留喺屋企冇嘢做,冇得出街好無聊,所以我就同Jasmin諗不如一齊運動,希望透過片段鼓勵大家喺屋企都可以約朋友一齊做。」
問到是否向KOL發展?她直言有此念頭,並藉今次運動片試水溫:「我哋都諗住會繼續Po啲運動片鼓勵大家一齊郁,如果今次條片反應好,有諗過遲啲拍啲生活片同開設社交平台帳戶,分享唔同嘅嘢畀大家。」