【疫境有愛】阮兆祥搞爛Gag為港人打氣

向來喜歡搞笑的阮兆祥，於疫情期間絞盡腦汁為港人發放正能量，繼早前扮演「抗翼大師」李雞鳴及「髮力無邊」渡邊直不美後，近日推出「盧EYE SEE‧一D都唔好笑」系列，大玩最擅長的食字爛Gag，其中一個Gag更以撲口罩熱為主題，笑指「花草樹菜」四樣東西，以菜的撲口罩能力最高，到底點解？則留待上網睇片自行揭曉。

對於阮兆祥大玩爛Gag，網民似乎亦相當受落，對此他笑說：「冇呀，啲人成日話個人開心啲，病痛都少啲。咁我平時都好鍾意講爛Gag氹人開心，又知大家呢排好少出街，所以就決定拍多啲搞笑片放上網，希望分享多啲正能量畀大家，一齊以笑聲抗疫，嚟緊我都希望可以再拍多啲搞笑嘅扮嘢片，如果大家仲有咩想我扮嘅，都會盡力滿足大家嘅要求嘅。」