大女返4個月學就畢業！黃祥興：唔怪之得…

受新冠肺炎影響，全港學校自今年1月開始停課，並即將分階段復課，中三至中五級於本周三（27日）復課；小四至中二學生於6月8日復課；幼稚園K3至小三學生，則於6月15日復課。

而藝人黃祥興就讀幼稚園K3嘅大女Paige，雖然尚未復課，但呢日已經幼稚園畢業！黃祥興於社交網上載多張囡囡畢業相，忍唔住笑指：「唔怪之得香港學校咁受歡迎，返四個月學就可以畢業。我細個嘅時候係咁就好喇…」好友陳敏之亦留言回覆笑言：「最快畢業嘅學生！」