電話藏秘密！周揚青7年前斷正羅志祥約炮？

大陸網紅周揚青4月尾宣布與羅志祥（小豬）已分手，並數臭對方「惡行」，大爆佢有兩部電話，一部同佢聯繫，一部係用嚟約女，咁小豬每到一個城市都可以「約炮」，仲話：「現在想想自己真的很傻，為甚麼沒有在第一次抓到你劈腿的時候就放下呢？」

而最近有網民摷出周揚青7年前出過一個Post，用繁體字留言：「你的手機裡（裏），藏了多少的秘密」同佢講嘅分手文不謀而合互相呼應，因而被網民猜疑係咪當年已經捉姦？唔少網友都紛紛去到呢個Post留言：「該不會從這裏開始吧」、「天啊」。