唔係胸大無腦！台妹邵岱兒性感吸粉　原來仲係高材生

台灣娛圈出名多靚女，除咗靚之外，好多身材都好勁！今次介紹番人氣女神邵岱兒（Debbie）！佢就巴閉喇，淨係社交網都有81萬粉絲，究竟佢有咩吸引力？睇睇佢社交網就知，就係入面清一色係性感相呀！

Debbie參加節目《綜藝我最大》彈起，每次出場都引起好多話題，節目經常以水着上陣，睇到人流晒鼻血！節目中，佢同小鬼非常有默契，仲鬼咁曖昧，仲爆出鏡頭外仲拖緊手！唔知係咪為咗節目效果呢？

Debbie樣靚身材正，成日喺社交網晒水着相，再加埋佢招牌瞇眼笑，真係冧死唔少網友！而Debbie絕對唔係「胸大無腦」，其實佢係一個高材生，佢喺加拿大著名學府英屬哥倫比亞大學金融系畢業，但佢之後冇做上班族，反而殺入娛圈！Debbie仲好有生意頭腦，自己搞網店，賣吓衫同水着，自己仲做埋生招牌，日日晒靚相！