梁潔華病逝　吳家樂自責唔關心朋友

藝人吳家樂與黃日華一家相熟，二人一同踢波之餘，亦是保齡球友。家樂坦言一入行就與梁潔華認識，家樂接受東網訪問時謂：「聽到消息都好傷心、好難過，之前因為疫情關係，大家都好少出嚟，所以近半年都冇同華哥、華姐見面，突然間收到消息，覺得好似冇關心過朋友咁，都感到有啲唔開心。」家樂又大讚華哥很錫家人，是一個好爸爸、好丈夫，他謂：「華哥都有傳短訊通知我哋，不過都唔敢問太多，希望佢同芷晴堅強啲撐住。」