變身減肥達人！傅穎排毒靠呢樣

藝人傅穎（Theresa）近排努力減肥收身，仲化身「減肥達人」教大家整健康食品，等大家食得健康又飽肚，加埋做運動，輕輕鬆鬆減磅成功！

要減肥就先要排毒，最有效而簡單嘅方法，當然就係飲水，有見及此Theresa喺社交網透露上網買咗大嘅玻璃杯，希望逼自己飲多啲水。點知佢竟然落錯單，原本係買500ml嘅杯，買錯隻800ml嘅杯，隻杯同佢塊面差唔多大！既然都買錯啦，Theresa惟有樂觀啲去諗，安慰自己唔使斟咁多次水：「要飲多啲水，先會瘦到㗎～成年人每日飲2,000-3,000cc，可以加速新陳代謝，原本想買隻500ml嘅杯方便飲水，結果落錯單買咗隻800ml，係有啲重咁囉，但以後唔使再斟咁多轉！」