重返無綫拍劇！伍詠薇正式簽約邵氏

藝人伍詠薇離開無綫都有一段時間，雖然伍姑娘是亞姐、亞視出身，不過她亦於無綫仍拍了不少好劇，當中包括《高朋滿座》、《金枝慾孽貳》、《美麗高解像》等，古今皆宜，對上一套已是2013年與黎耀祥、陳豪、陳法拉等合演的《法外風雲》。

今日是伍姑娘重歸無綫的大好日子，剛剛她更返回無綫，與高層樂易玲及曾勵珍會面，正式簽約為邵氏藝人。其實伍姑娘於2018年都有份參與邵氏劇集《飛虎之潛行極戰》，飾演黃宗澤的母親，二人有段特別的「母子情」，角色相當突出，觀眾對她的演技亦有讚冇彈。伍姑娘接受東網訪問時開心謂：「其實都傾咗好耐，之前拍《飛虎》第一輯時都係樂小姐搵我，我都拍得好開心，個角色我好鍾意，之後我哋都傾咗好耐，多咗了解，係Timing嘅問題，呢個疫情時間，自己都好感恩有工作，我真係好鍾意演戲。」