新出「遮樣」帽 你睇我唔到！
20200528
東網電視
更多新聞短片
「遮樣」帽3891的日文發音近似「見不到」，意思即戴上帽子後唔會畀人見到樣，唔想化妝出街就啱晒。（互聯網）
避疫期間經常留在家，女士們習慣了不化妝，如果想去附近超市或便利店買少少嘢，梗係戴頂Cap帽就出門啦！有見及此，日本公司Twin Planet推出一頂名為3891的帽子，3891的日文發音與「見不到」近似，即戴上帽子後唔會畀人望到樣，啱晒一眾不喜歡素顏示人的女士。由於想遮樣得來，又不失時尚感，設計人員反覆嘗試不同的呎吋，最後得出帽簷9.5cm、帽身17cm的「黃金比例」。有黑色及米色兩色選擇，使用棉質斜紋布料，簡約易襯且男女合用。根據用家意見，3891的帽簷比一般Cap帽較闊，不會阻礙走路，視野良好。順帶一提，Twin Planet同時經營娛樂業務，所以設計這頂帽子有助旗下藝人避免狗仔隊影到，確係想得周到。每頂售3,891日圓。