袁文傑行山遇牛擋路　滕麗名撥住扇等運到

劇集《愛．回家之開心速遞》中「熊尚善」滕麗名同「潮偉」袁文傑飾演一對情侶，而戲外佢哋一樣好好感情，尋日又再出動，約埋「送水輝」許家傑齊齊去海下灣行山。

佢哋以一身運動裝束除下口罩呼吸新鮮空氣，期間遇到野牛擋路，佢哋惟有停低等隻牛行開然後再出動，滕麗名亦好有耐性撥住扇等，仲喺社交網留言：「果然係一隻好牛 好牛唔攔路」。