凸肚做運動！陳凱琳靠拉筋搞掂偏頭痛

藝人陳凱琳（Grace）早前公布為老公鄭嘉穎再佗B喜訊，估計已懷孕5個多月。Grace大肚依然保持適當運動，佢喺社交網透露孕期經常偏頭痛，曾嘗試過按摩同針灸，甚至靠食止痛藥，但都未能有效紓緩勞損，最終要靠拉筋運動先得以改善。

今日佢上載一段運動短片，片中見佢紮起頭髮，雖然着上鬆身運動衫，但隱約見到小腹隆起，四肢仍十分纖幼。不過佢其中一個動作壓住腹部，網民睇見都覺得牙煙，並提醒佢要注意安全！不過片中有位教練從旁輔助Grace，幫忙托住腹部，相信運動都絕對安全！