喺ViuTV重逢？「最佳拍檔」小儀金剛再聚

「最佳拍檔」金剛同阮小儀都先後離開無綫，前者就已經過檔ViuTV拍過旅遊節目，包括《C9旅行團》同《金剛旅神團》，都大受歡迎，而後者除咗為香港開電視主持節目外，亦加盟ViuTV，不過新節目就未開拍！

雖然兩人仲未有機會合作，但感情Keep住好好！最近金剛喺疫情下嚟咗香港開工，都不忘約小儀見面，小儀喺社交網上載合照，仲搞笑扮金剛唔鹹唔淡嘅廣東話留言：「Yeah~~話過今次你回來要見見面，就見見面！‘巧走味賤㖿，煎乾！’巧朋友係要賤面㗎唷~~」網民都話好期待兩人喺ViuTV重逢呀！