本日日本：餐廳防疫靠毛公仔？
20200530
東網電視
更多新聞短片
咁多隻毛公仔喺餐廳排排坐，原來係防疫措施之一。（互聯網）
3歲小朋友都知，抗疫期間出街要保持社交距離，於餐廳用膳也不例外，隔個位坐會安心得多。位於日本靜岡縣伊東市的伊豆仙人掌動物公園剛於5月中重開，園內餐廳GIBBONTEI就有不一樣的分隔方法，竟然諗到將大大隻水豚和小熊貓毛公仔放在禁坐的椅子上，由於場面異常「壯觀」，有網民影相後Post上Twitter獲得36萬個讚好。園方表示，為應對疫情，重開後已重新編排座位，並用毛公仔放座位上，讓食客隔個位坐，確保保持足夠的社交距離。而食客用餐離開後，工作人員便立即將桌子、椅子及毛公仔用酒精消毒一遍，確保所有東西都乾淨整潔。餐廳希望將用餐變得更有趣、更娛樂化，公仔陪食只是第一步，最近更推出以水豚為主題的食品水豚漢堡包，希望能夠吸引更多遊客，疫情過後能盡快回復生意。