拍出浴戲嗌凍!劉穎鏇自認保守唔鍾意晒線

20200530
東網電視
更多新聞短片
劉穎鏇話第一次拍出浴戲,覺得有啲凍囉!
藝人劉穎鏇(Tiffany)在電視城拍攝新劇《超能使者》,她表示昨日拍了一場打戲及出浴戲:「係我第一次拍出浴戲,有做足保護措施,我着住肉色Tube Top同埋有個大露背鏡頭。劇情講陳山聰睇到我沖涼,我用刀追打佢,大家都拍得好開心,拍出嚟個效果係認真得嚟有少少搞笑。不過拍嘅時候有啲凍,因為要噴濕個身拍攝。」提到日前生日,Tiffany稱首次生日在工作中度過,如果之後有時間,可能會跟緋聞男友胡㻗食飯補祝。
對於無綫撤回「限奶令」,節目《3日2夜》再次回歸,女藝人可以在鏡頭前晒身材,曾拍過《3日2夜》的Tiffany坦言不知情:「好開心有番呢個節目,但我唔會特登去晒身材,因為我比較保守,我平時着衫都唔鍾意晒事業線,除非係有需要,或者係去泳池或者沙灘,我連出海都未試過。出去過一次就係單文柔結婚囉!(江嘉敏冇邀請你出海?)冇。(唔想識吓新朋友?)唔使。(你太保守,所以唔叫你去?)可能係,哈哈!其實我想玩滑水同潛水,但我好易曬黑,我本身已經唔白,公司都話我要白啲好啲。」