疫境開網店！王詠珩黃靜藍落場做生招牌

藝人受疫情影響工作量大減，其中曾參選國際小姐及世界小姐嘅女星王詠珩（Wing），近日就孖住李日朗嘅模特兒女友黃靜藍，一齊開服裝網店，喺「疫」境下變陣求出路！Wing喺社交網發文正式宣布網店開張，留言：「由當初傾偈分享呢個想法，約出嚟傾，到設計概念、親自去深水埗睇布等等，全部都係我哋嘅第一次嘗試，雖然中途遇到唔少困難，但目標終於達成嘅感覺真係值得。」

黃靜藍亦有發文：「開網店聽起來很容易，但實際做起來絕不容易，第一次全力去做一件事，每個過程都是我們一手一腳去做，希望可以把我們喜歡的帶給你們。」佢哋除咗親自設計外，仲自己落場做埋Model，事事親力親為！