唔剪臍帶！陳小春細仔出世改花名「Hoho」

藝人陳小春中午現身養和醫院，剛榮升第二任爸爸的他獲記者連聲恭喜，他透露BB於5月29日（農曆四月初七）出生：「開刀嘅，依家改咗佢花名叫『Hoho』，即係『好好』。（入咗產房？）係，拍咗好多片，不過我冇出手剪臍帶，留返專業人士啦，畀咗錢喎。（追多個？）留番你（記者），夠皮喇，一家四口，成雙成對！」

他表示已在醫院陪太太數天，大仔陳胤捷（Jasper）有點「抑鬱」：「我哋入院臨走前，都同佢big hug咗，知道返嚟之後就唔止一家三口瞓，感覺有啲奇怪。佢突然間問我咩叫Jealous（妒忌），我唔知點解釋，惟有同佢講『no big deal』，頭先同佢視像，平時好多嘢講嘅佢突然間好靜，直到我同佢講，夜啲返去陪佢踩單車同睇波，佢先開心番。（見過細佬未？）尋日見過。」