陳庭欣主動出擊　洪永城咀完冇件事

藝人陳庭欣（Toby）日前與洪永城、陳豪現身將軍澳，拍攝無綫新劇《陀槍師姐2020》開工，期間Toby提到將螢幕初吻送了給洪永城：「要我提起佢先記得……當年係由我強吻佢嘅，之後我亦試過錫袁偉豪，佢同樣唔受落！（你最想強吻邊個？）古天樂，同佢合作拍電影兩次都係遠距離接觸，上一次佢走埋嚟同我講嘢，搞到我好開心。」

暑假未有安排

陳豪於戲內被前妻Toby「搞破壞」，令他與女友宣萱產生誤會，當被問到現實中可有試過類似情形？他表示不會讓事情發生。傳三千萬續約無綫的他「劇接劇」，待《陀》劇煞科後將有另一齣新劇等待開工。談到暑假有何安排，陳豪說：「Aimee（太太陳茵媺）日日諗到頭爆，小朋友想返加拿大，又想去泰國玩，不過我覺得依家最緊要係疫情結束、環球經濟復甦，旅行唔係首要。」