鄧麗欣區文詩為吳雨霏慶生　網民追問：Miki呢？

6月9日踏入34歲嘅吳雨霏（Kary），雖然仲有成個星期先生日，但佢嘅好姊妹鄧麗欣（Stephy）及區文詩（Angela）已提早為佢慶祝！Stephy喺社交網上載三人合照，留言：「原來已經超過半年沒見了，終於可以出來吃飯，預祝這位在我眼中永遠是小妹妹的靚媽媽，生日快樂！」有網民就不禁諗起楊愛瑾（Miki），留言問：「Miki呢？仲未好番？」

事緣Kary 2016年11月爆出小產，有傳爆料人係Miki，令Kary傷上加傷。之後從2017年慶祝生日開始三缺一，Stephy同Angela都變咗中間人，而今年唔經唔覺已經第4年慶祝冇Miki！