馬國明笑胡鴻鈞口技唔掂　爭住要咀蔡思貝

無綫劇集《降魔的2.0》演員馬國明、胡鴻鈞、黃智雯、C君在將軍澳電視城為大結局宣傳。黃智雯和劉佩玥在遊戲時扮作爭奪馬國明向他示愛，黃智雯笑謂知道馬國明Dry了很耐，特別送上印有她頭像的心形咕?，撫慰他徹夜難眠，C君笑說：「呢個叫嘔心呀。」

馬國明對劇集將大結局感不捨，因大家合作愉快，難得遇到一班投契的演員，希望再有機會原班人馬再合作，拍攝甚麼題材也沒所謂。問到會否開拍《降魔的3.0》？他說：「要問監製，不過結局都有伏線嘅。」

胡鴻鈞最開心大家接受「豪仔」角色，覺得仍有發揮空間，特別是咀戲。馬國明取笑說：「你啲錫戲真係差少少，如果畀我唔會咁。不過佢今次錫係有目的，希望下次畀啲感情戲佢錫啦。」問到胡鴻鈞最想與邊位女演員咀嘴？他笑說：「冇所謂。（緋聞女友蔡思貝？）要睇吓有冇機會合作先，（如果C君同思貝揀錫邊個？）若果劇情需要，錫馬明都得。」馬國明則笑說：「我就當然揀錫思貝啦，哈哈。」