楊丞琳36歲生日　李榮浩連續6年零時零分送祝福

台灣女星楊丞琳與內地歌手李榮浩婚前婚後恩愛依然，今日係楊丞琳36歲生日，李榮浩冇打破傳統，照舊踏正零時零分同老婆講生日快樂，原來已經連續第6年準時祝賀壽星女，難怪唔少網友留言大讚李榮浩為人浪漫，仲話呢份堅持話唔容易㗎！

原來李榮浩托朋友人肉速遞，準時零時零分送禮物上門，感動到楊丞琳喊到收唔到聲！佢喺社交網上載咗「一家三口」合照，留言答謝老公：「謝謝你託金老師帶給我的驚喜。我的生日，快樂了#happybirthdaytome #36yearsold」唔少圈中藝人包括黃鴻升、歐陽妮妮、徐濠縈等留言送上祝福，好友陳妍希更發長文並貼與楊丞琳舊照祝賀，可愛教主look重現眼前！

而尋日楊丞琳於台灣出席活動時，透露因疫情宅在家大吃大喝，自嘲肥到啲褲就嚟着唔落，所以積極肥減火速減下6kg，被問到幾時造人？佢就透露與李榮浩因疫情而分隔兩地。