Touch ID神技　10隻手指都解到鎖

iPhone SE推出之後，好多鍾情Touch ID指紋功能的朋友都讚好！系統原本只容許用家輸入5組指紋資料，但網上流傳有「神技」可以10隻手指均能解鎖，繽FUN測試員Rainbow今次就實試一下真偽。

「Touch ID神技」簡單，用家只要先進入「設定」，然後一如以往按進「Touch ID與密碼」，輸入手機密碼後，再加入第一隻指紋。當畫面出現「調整抓握方式」時，原本需要繼續輸入第一隻手指指紋邊緣的資料，而「神技」則改為輸入第二隻手指的資料。所以令原本只可輸入5組指紋資料，變相可以輸入10組。

實試「神技」後，確實可以10指解鎖，而且指紋辨識速度並冇明顯下降。而且無論最新的iPhone SE，抑或iPhone 8、iPhone 7等舊機都適用，大家不妨一試！