疫情過後即造人？楊丞琳被預測大肚嚇到呆

台灣凍齡女星楊丞琳前日（4日）啱啱過咗36歲牛一，即使第一年生日冇老公李榮浩陪住身邊，但佢一啲都唔寂寞，因為有成班死黨送蛋糕、請食飯，包括鄭元暢、陳妍希等，令壽星女相當開心︰「今年打算低調地過生日，除非是主動跟我提起要替我慶生的朋友外，我就沒有像過去幾年那樣自己呼朋引伴的慶祝了，很高興有你們，讓我今天有個滿足的生日。吃飽、聊好！擁有大家的我，是最幸福的壽星～愛你們❤️」

走喺潮流尖端嘅丞琳，又跟風玩社交平台入面嘅Effect小遊戲，預測疫情過後會做啲咩，隨機抽出嘅答案有環遊世界、留學、變胖、分手、閃婚、發大財等選擇，見佢等待答案出嚟期間，狂做鬼臉勁期待，點知！最後出到嚟嘅係「懷孕」，丞琳秒速變天然呆，雙眼突出再加埋O嘴，鬼咁搞笑！不過當疫情過後，丞琳就唔使再同老公分隔兩地，唔知呢個預測到時會唔會成真呢？