【被前輩叫學唱歌】蔡思貝擔當唔起做星女郎

藝人張振朗和蔡思貝晚上出席慈善籌款演出，思貝自爆於化妝間撞見胡楓，對方竟叮囑她去學唱歌：「自己知自己嘅短處，都會去學，準備做全方位藝人。」談到今次有很多巨星參與錄影演出，問她最想與哪位圈中前輩合作，她說：「想同周星馳合作。（做星女郎？）擔當唔起，畀佢指導吓就好，另外都鍾意張曼玉。」至於《踩過界2》煞科，她透露有一個月假，有興趣去學陶瓷，過點輕鬆生活。至於《降魔的2.0》大結局，思貝直言睇到眼濕濕，無意中踢爆自己一直有追睇緋聞男友胡鴻鈞演出：「睇到馬國明無奈要用箭射豪仔（胡鴻鈞），即使我食緊飯唔係專心睇，但都好難過，而其實早幾日交代鄧佩儀死嗰幕，我都好心噏喇。」

張振朗被問到有否睇女友楊偲泳於ViuTV劇《嘆息橋》的演出，他說：「有，佢做得幾好。（大家好難有機會合作？）的而且確，我同無綫仲有十幾二十年約，大家影圈見囉。」