被爆欺凌黑人拍檔　Lea Michele再被爆寸女演員醜樣

美國電視劇《歡樂合唱團》（Glee）女星Lea Michele早前迎合大勢於社交網站支持「黑人生命很重要」運動，不過被《歡》黑人女星Samantha Ware爆她欺凌與種族歧視，威嚇要在她假髮上屙屎，結果Lea被迫道歉。

一沉百踩，大量曾與Lea合作的藝人現身作證，指控Lea為人非常難頂，女演員Monica Moskatow再爆自己2009年被聘請於《歡》一個首映派對，扮演Lea的劇中角色Rachel Berry，卻被Lea嫌棄她醜樣，影衰自己！Monica表示：「當時班演員去到個活動，發現請咗班似樣嘅人扮佢哋，咁Lea就去睇吓邊個扮自己。當佢見到我時，就大叫，天呀，佢哋唔好搵個再樣衰啲嘅？」

當時仍然在生的Lea拍檔男友Cory Monteith見到Monica被寸後不開心的表情，上前安慰她表示：「唔好理佢，佢只係妒忌，你係靚女。」Monica表示她一直記着Cory的善舉。Cory於2013年因意外吸毒過量離世。