許凱「女友」白鹿傳暗撻高瀚宇　關周冬雨事？

最近內地娛樂圈有單傳聞，笑住話周冬雨有「天煞孤星」嘅外號，講佢氣場好勁，同佢合作過嘅藝人，包括林更新、馬思純、井柏然同內地女星闞清子，統統都「甩拖」收場，所以好多粉絲都擔心同梗周冬雨拍古裝劇《千古玦塵》嘅「博恒」許凱會唔會「中咒」。

唔知係咪周冬雨嘅「咒語」真係咁勁，定係咁啱得咁橋，近日內地有傳許凱緋聞女友白鹿夜麻麻同年輕男子一齊返酒店。白鹿新緋聞一出，各方網友陸續「報料」，話白鹿同高瀚宇疑似產生戀情，佢哋兩個同拍劇集《半是蜜糖半是傷》，「男二」嘅高瀚宇同白鹿有感情線，除高瀚宇外，又有網民再爆喺橫店影到白鹿疑似同王一哲約會。對於白鹿傳同男子返酒店呢單緋聞，白鹿公司撲出嚟幫口闢謠，指：「緋聞不實」，話佢只係同劇組演員聚餐啫。