抗拒「嫁得出」！江美儀歷婚姻失敗靜候有緣人

48歲江美儀最近為無綫主持新派飲食節目，當中以「學識100味餸便嫁得出」為宣傳口號，對兩年前與吳君如弟弟吳君祥離婚後一直單身的美儀而言，意有所指。

曾經歷婚姻失敗及患情緒病的她，大抵見過鬼怕黑，美儀對「嫁得出」一詞有點抗拒，受訪時她稱：「我唔嫁都得㗎！我嫁過啦！仲離埋婚！其實我學煮嘢食，煲啲靚湯畀自己，都係愛錫自己一種，如果要搵一個男人嚟品嘗，佢唔欣賞又點呢？不過，我都想呢個人出現嘅！」

節目中的100味餸，有拍檔主持「三姐」負責7成，而美儀則負責3成，一直茹素的她，將最耍家的素菜款式全部All In，美儀說：「其實我一直想整素菜，好多人以為食素就只得菜、豆腐，其實有好多種類！」