顏仟汶食完藥行山　心跳加速勁危險

藝人顏仟汶最近愛上行山，日前她與兩個女仔朋友到元朗雞公嶺行山睇日落，仟汶抱着興奮心情出發，有食情緒藥習慣的她，行山期間發生小插曲。

仟汶接受東網稱：「我下午出發，朋友話半個鐘可以上到山頂，配合時間係可以睇到日落，但行咗五分鐘我心跳得好快，臉又紅晒，唔太舒服，為咗唔想阻到朋友上山，我就自己慢慢行，終於諗到心跳原因，可能食咗情緒藥，後來我問朋友，畀佢哋鬧到傻咗，佢哋話行山前一定唔可以食藥，係好危險，我惟有就住嚟行，慢行都趕得切，大家喺日落前欣賞到美景，又影到靚相，真係好興奮！」