鐵面陳變笑面陳！《愛．回家》王致狄爆自己似…

「鐵面陳」王致狄（Andy）於處境劇《愛．回家之開心速遞》中刻板、鐵面無私嘅形象深入民心，不過日前播出嘅一集佢竟然一反常態，全程四萬咁口笑面迎人，簡直判若兩人！雖然有網友指睇唔慣，但亦有好多網民對「笑面陳」非常受落，大讚笑得好可愛，仲話從未試過喺螢幕上見到佢咁多笑容！

Andy指私下嘅性格與「笑面陳」較相似，笑言終於可以做番自己：「其實我平時都鍾意笑面迎人多啲，感覺比人親切啲，同埋我本身我都鍾意講笑，所以我啲朋友會成日見到我『笑面陳』嘅一面。」佢又指好開心觀眾鍾意今次嘅改變，希望將來可以挑戰更多不同性格或造型嘅角色。