湯洛雯做公認「明嫂」 馬國明偷偷放閃

2020年07月04日 18:34
東網電視
更多新聞短片
粉絲係識做嘅,開口埋口嗌人「明嫂」!
藝人馬國明同湯洛雯(靚湯)譜「明湯戀」成為全城熱話,呢對熱戀中嘅情人自公開戀情後愈愛愈高調,呢日馬國明喺社交網上載準備為新劇開工嘅近照,表面就係交代工作近況,實情係暗中「放閃」,事關佢發文透露:「新劇又開喇......有人話專心工作嘅男人最有魅力......」似乎有心將最有魅力嘅一面展示畀「有人」睇,而靚湯見到後亦嗒晒糖,立即留言貼上心心眼表情圖案,認真甜到漏!唔少網友都笑指被佢哋「閃盲」,仲紛紛以「明嫂」稱呼靚湯!